Ola rapaces, espero seguir recibindo os vosos traballos sobre enfermidades e os test da unidade 4!!! Sabedes que se tedes dúbidas podedes contactar conmigo no meu correo electrónico.
Agora, temos que avanzar un pouquiño máis, imos empezar coa Unidade 5: a materia e a enerxía. Iremos por partes, hoxe comezaremos pola materia. Sería ideal que fósedes copiando o texto na libreta e visualizando os vídeos!
Para empezar, debemos definir algúns conceptos:
- MATERIA: todo aquilo que ten masa e volume (é dicir, forma parte do universo e ocupa un espazo nel).
A materia ten dous tipos de propiedades: xerais e específicas. Hoxe imos a ver unicamente as propiedades xerais que son a masa e o volume.
- Masa: é a cantidade de materia que ten un obxecto, mídese con balanzas ou básculas e a unidade na que se expresa chámase unidade de masa (g, kg, dag...). MASA
- Volume: é a cantidade de espazo que ocupa un obxecto (é dicir, mide o grande ou pequeno que é). Se falamos de líquidos mídese con recipientes graduados (probetas, xeringas, pipetas... ) e a unidade na que se expresa chámase volume (l, ml, cl, centímetros cúbicos...). VOLUME
Como xa sabedes (doutros anos) a materia pode atoparse en 3 estados: sólido, líquido e gasoso e pode pasar dun estado a outro perdendo ou gañando calor. Veremos que os estados da materia dependen da agregación das partículas que o forman. Botádelle un ollo a estes vídeos:
Esquema do visto ata o momento:
Repasa estes contidos, axúdate dos vídeos e do libro de texto!!! a partir de mañán terás que resolver un pequeno cuestionario sobre o visto!!!
Ánimo!
