Hola rapaces, xa sei que sobre materiais tedes un montón de coñecementos. Tamén sabedes que o ser humano aproveita os materiais para fabricar outros (aproveitando as propiedades específicas dos mesmos, por exemplo, fabricamos cacerolas con materiais que conducen ben a calor!).
Segundo a súa orixe, podemos hablar de materiais naturais e artificiais:
- MATERIAIS NATURAIS: son todos aqueles que nos proporciona a natureza. Poden empregarse directamente como tal para fabricar obxectos artesanais ou industriais, ou ben fabricar materiais artificiais a partir deles. Son materiais naturais:
- Fibras (fíos) de orixe natural: liño, algodón, la, seda, esparto...
- Madeira.
- Combustibles fósiles: petróleo, carbón, gas natural,...
- Rochas e minerais: granito, xiz, caolín, area, ...
- MATERIAIS ARTIFICIAIS: son os fabricados polo ser humano a partir de materiais naturais. Son materiais artificiais:
- Tecidos sintéticos: licra, poliéster, ...
- Plásticos: proceden na súa maior parte do petróleo.
- Vidro: fabrícase a partir da area.
- Aliaxes: aceiro, bronce, ...
Aquí vos deixo unha comparativa con algúns exemplos de materiais naturais e artificiais.
Estas son as tarefas propostas:
ACTIVIDADE 1: Busca información sobre que é o algodón e que parte da planta aproveitamos para facer os tecidos.
ACTIVIDADE 2: Todos sabemos que coa madeira se poden fabricar diferentes mobles, que máis se che ocorre que podemos facer coa madeira?
ACTIVIDADE 3: Busca información sobre o que é o aceiro, e nomea algúns obxectos que teñas na túa casa que sexan de aceiro.
ACTIVIDADE 4: Realiza o seguinte cuestionario. Ollo!!! é un cuestionario longo no que podedes chegar a conseguir 20 puntos!!! Facédeo con calma posto que hay moitas preguntas (todas elas sobre a materia e as súas propiedades, algunhas de seleccionar outras de reflexionar. Necesitarás un papel e un lapis para realizar algún cálculo!!! Le con calma as preguntas e adiante!!!
